Ambasadorja e Izraelit në Kosovë, Tammara Ziv, ka falënderuar kryeministrin e Kosovës, Albin Kurti për mbështetjen e tij ndaj vendit të saj pas sulmeve me raketa nga Irani.
Ziv falënderimin e bëri në gjuhën shqipe në platformën “X”, raporton Arbresh.info.
“Ju faleminderit ngrohtësisht për mbështetjen tuaj të çmuar, Shkëlqesia Juaj Kryeministër z. Albin Kurti”, ka shkruar ajo.
Ndryshe, të martën mbrëma, kryeministri i vendit, Albin Kurti ka shprehur shqetësimin e tij për sulmin raketor të Iranit ndaj Izraelit mbrëmjen e së martës.
Me anë të një postimi në X, Kurti ka dënuar këtë agresion teksa tha se rritja e vazhdueshme e dhunës është alarmante.
“Ne jemi thellësisht të shqetësuar për sulmin e sotëm me raketa nga Irani ndaj Izraelit, në të cilin u lëshuan rreth 200 raketa, dhe bashkohemi me qeveritë e tjera në dënimin e këtij agresioni. Një vit pas sulmeve terroriste të Hamasit të 7 tetorit, rritja e vazhdueshme e dhunës është alarmante. Ne mbështesim të drejtën e Izraelit për të mbrojtur veten dhe të gjitha përpjekjet për të arritur një armëpushim të menjëhershëm”, shkroi Kurti./Arbresh.info/
Ju faleminderit ngrohtësisht për mbështetjen tuaj të çmuar, Shkëlqesia Juaj Kryeministër z. @albinkurti.#Israel #Kosova
🇮🇱 🤝🇽🇰 https://t.co/q6hqtxHZ0b— Tammy Ziv 🇮🇱 (@AmbTammyZiv) October 1, 2024
LEXO EDHE
SHBA, zgjedhjet presidenciale dhe përpjekjet e disa vendeve ...
Kurti në takim me shefin e EULEX-it: Incidentet ndëretnike j...
Lëngu i Karrotave me Portokalle – Fuqia e Vlerave
Protesta e opozitës me molotov, Berisha: Beteja e mosbindjes...
Nagavci për vdekjen e Tahir Emrës: Veprimtarinë e tij jetëso...
Bëjeni gjithmonë këtë para gjumit për të fjetur më mirë dhe ...